دعوه للنقاش وهم اسمه (موبايلي)

السلام عليكم ورحمة الله وبركاته

مدخل:
"لو جات من غيرك ياموبايلي كان هانت اما تجي منك ياهي قويه "

مثلي مثل غيري ممن هربوا من جحيم الانفصالات العبريه الى النعيم المنتظر في موبايلي
نعم نعيم موبايلي من كان يصدق انه بالماضي القريب ايام الاحتكارات كانت تباع شريحة
الجوال بملغ العشرة الاف ريال نعم عشرة الاف ريال والان لا تتجاوز العشرة ريالات
في اسواق جوالات الاحد ولكن مع ظهور نجم جديد يسطع في السوق السعوديه
هربت انا وغيري من نار الاتصالات الى نعيم موبايلي ولكن تفجأنا بعد مده بأنه قد تم
النصب علينا في النعيم المنتظر بالامس وصلتني رساله على جوالى ونصها
مبروك تم اختيارك لتسمتع بأرسال رسائل دوليه مجانيه لمدة سبعة ايام هههه ضامنين الشغله
ماعندي احد اراسله دليا اصلا هم مو محبه في وجهي بل لا اجل شفط جيبي وجيبك باى وسيله مباشره
او ملتويه (غير مباشره)
وهم اسمه موبايلي لاشبكه ولا خدمات
وهم اسمه موبايلي تتصل ويقطع بعد دقيقتين مع وجود رصيد كافي
وهم اسمه موبايلي الشبكه فل ويجيك موجود
وهم اسمه موبايلي يجيك خطأ في الاتصال
وهم اسمه موبايلي تسدد شهريا والا يقطع عليك
وهم اسمه موبايلي الموظف يرد عليك من رأس خشمه
مين يتذكر حركتهم الى تحول من باقه الى باقه وتحصل على 75 دقيقه مجانيه
العن حركه تصير الدقايق عليك ب 75 هلله هههههه
واستمتع بال75 دقيقه ههههه علما انك لو بغيت ترجع الى باقتك السابقه لازم تدفع 25 ريال
اخيرا اليكم مثال على النصب
طبعن كلكم شفتو اعلانات الشوارع حقت الاي فون
بس برعاية موبايلي

للي مافهم العرض هذا ياطويلين العمر

موبايلي كتبت عقد مع شركة ابل بإنها تنزل جهاز Iphone 3G
عن طريقها هي وتحتكره
ركزو على تحتكره
لانه مايعدم السوق ويرفع الاسعار غير هالاحتكار (لا حول ولا قوة الا بالله)

طبعن الاي فون كان عليه اقبال شديد قبل عدة شهور تقريبا وانتهى من الاسواق
كنت كل مااسال محل عن الاي فون يقولي مستحيل تلاقي غير مستعمل
وبالفعل كان مخلص تماما وقيل لي انه في دفعه جديده مطوره تنزل بعد كم شهر عشان كذا اللي انتهى ماجابو غيره يحترون الدفعه الجديده

المهم نرجع لسالفه موبايلي

للاسف انها نصبت علينا نصبه كبيره
حيث انه ماتقدر تشتري الجهاز الا بشرط جزائي وهو انك تشتري شريحة موبايلي معه واقل فتره تستخدم فيها هالشريحه هي سنه
والشرط هذا طبعن يحتم عليك انك تدفع رسوم سنه كامله عند شرائك الجهاز

طيب الى هنا ممكن نبلع الموضوع

لكن اللي ماينبلع
ان الجهاز مايشغل غير شريحه موبايلي بس
الجهاز لايدعم اللغه العربيه ( اقصد الرسايل لا يستقبل ولايرسل عربي )
الجهاز مافيه بلوتوث ( بس بلوتوث سماعات ...ترى في برنامج يشغل البلوتوث بس اعتقد انه بفلوس)
الجهاز مايصور فيديو ( فيه برنامج يخليه يصور بس برضو اعتقد انه بفلوس )
ويقال ان الجهاز مافيه كاميرا اماميه ..( بالرغم من انه الجيل الثالث)

الميزه اللي فيه
انه عليه ضمان من الشركه
انه في عروض مع الشريحه اللي تجي معاه
بالاضافه طبعن لمميزات الجهاز نفسه
منزلين شروط تدل على النصب والغباء في نفس الوقت

والشروط هذي هي خاصه برجال الاعمال والـ VIP والاشخاص اللي يملكون ماستر كارد او فيزا

يعني بالله بعقلهم موبايلي ينزلون عروض بالتقسيط لرجل اعمال
ولا لواحد معه ماستر كارد او فيزا
من جد حركه غبيه منها

مااقول الا الله يصبرنا ويفكنا من نصب هالتجار
انا اقول يازينك يالاتصالات على الاقل ادفع فلوسي على شي يستاهل والا وش رأيكم
مخرج :
"كذبت فيك الاتصالات وزين قالت
ماكنت احسب ان عروضك نصبيه "

في الصميم ()
صدقني الإتصالات أفضل بكثير ..!!

وفقت خيو